>

ad

SLAcS (Open) EXAM Guide in Tamil 2025 - Sri Lanka Accountant Service

Admin August 13, 2025

இலங்கை கணக்காளர் சேவைப் பரீட்சைக்காகத்  தயார்படுத்திக்கொள்வதற்கான வழிகாட்டி





இந்தக் கட்டுரையின் நோக்கம் என்ன? 

இலங்கை கணக்களர் சேவைப் பரீட்சையும் ஏனைய நாடலாவிய சேவைக்கான பரீட்சைகள் போன்றே மிகவும் போட்டித் தன்மையுடைய பரீட்சையாகும்.​ே இந்தப் பரீட்சையில் வெற்றிகொள்ளவேண்டும் என்ற ஆர்வவமும் விருப்பமும் இருப்பவர்கள் தங்களது இலக்கினை அடைந்துகொள்வதற்காக  இந்த பரீட்சையை இலக்காகக் கொண்டு பல மாதங்கள் முயற்சிகளை மேற்கொள்ளவேண்டும்.   அந்த அடிப்படையில் இலங்கை  கணக்களர் சேவை என்றால் என்ன என்பது குறித்தும் அதற்காக தயாராக வேண்டிய முறைகள் குறித்தும் விளக்குகின்ற கட்டுரையினை LANKAJOBINFO.COM இணையத்தளம் உங்களுக்காக தயாரித்துத் தருக்கின்றது.


இலங்கை கணக்களர் சேவை என்பது யாது?

அரச நிறுவனங்களைப் பெறுத்தவரையில் பல விதமான பிரிவுகள் காணப்படும். அவ்வாறான பிதிவுகளில் கணக்கீட்டுப் பிரிவு அல்லது நிதிப் பிரவு என்பது அந்த நிறுவனத்தற்கு மிகவும் பிரதானமான ஒரு பிரிவாகும். அடுத்த வருடத்துக்குரிய செலவுகளை மதிப்பீடு செய்து திறைசேரியிலிருந்து நிதியினைப் பெற்றுக்கொள்வது முதல் அந்த நிதியை அரின் சுற்றுநிருபங்கள் விதிமுறைகள் என்பவற்றுக்கு உட்பட்ட அடுப்படையில் செலவிட்டு கணக்குகளைப் பேணி உரிய இடங்களுக்கு சமர்ப்பிக்கினற் பணியினை இந்தப்பிரிவே செய்து வருகின்றது. இந்த பிரிவுக்குப் பொறுப்பான அதிகாரிகாரியாக அரச காணக்காளர் சேவையுினைச் சேர்ந்த ஒருவரே கடமையாற்றுவார். அந்த வகையில் இலங்கை கணக்காளர் சேவை என்பது மிகவும் மரியாதைக்குரியதும் பொறுப்பு வாய்ந்துமான உயரிய சேவை ஒன்றாக் கருதப்படுகின்றது. இவர்களுக்கு வழங்கப்படுகின்ற சம்பள அளவு அடுத்த சேவைக்கு வழங்கப்படுகின்றசம்பள அளவைவிட அதிகம் என்பதுடன் அதிகளவான சலுகைகளும் வழங்க்படுகின்றன.


இலங்கை கணக்காளர் சேவைக்காக ஆட்கள் எந்த அடிப்படையில் சேர்த்துக்கொள்ளப்படுகின்றனர்?

பொதுவாக வருடாந்தம்  இலங்கை கணக்களார்  சேவைக்காக ஆட்கள் சேர்க்கப்படுவதுண்டு. குறித்த வெற்றிடங்களுக்காக    மூன்று அடிப்படைகளில்  கீழ் குறிப்பிடப்படுகின்றவாறு ஆட்கள் சேர்த்துக்கொள்ளப்படுகின்றனர். 

01. திறந்த போட்டிப் பரீட்சை அடிப்படையில்  

குறித்த பதவிக்காக குறிப்பிட்ட ஏதாவது ஒரு சேவையில் இத்தனை காலம் சேவையாற்றியிருக்க வேண்டும் என்ற நிபந்தனை இல்லாமல் உரிய கல்வித் தகுதிகளை பெற்றுள்ளவர்கள் திறந்த அடிப்படையில் இணைத்துக் கொள்ளப்படுவார்கள்.  எனினும் அவர்களின் வயதெல்லை மிகக் குறுகியதாக இருக்கும் . குறித்த வருடத்தின் பதவி வெற்றிடங்களில்  50% ஆனவர்கள் திறந்த போட்டிப் பரீட்சை ஊடாகவே தெரிவாகின்றனர்.

02. மட்டுப்படுத்தப்பட்ட போட்டிப் பரீட்சை

அரச சேவையில் ஏற்கனவே இருக்கின்றவர்களுக்கும் இந்த சேவையில் இணைவதற்காக சந்தர்ப்பம் வழங்கும் அடிப்படையில் குறிப்பிட்ட காலம்சேவை அனுபவம் இருக்கின்ற அதே நேரம் போதுமான கல்வித் தகுதகளையும் பெற்றவர்கள் மட்டுப்படுத்தப்பட்ட போட்டிப் பரீட்சை மூலமாக தெரிவு செய்யப்படுவர். இந்தப் பதவிக்கான வருடத்தின் பதவி வெற்றிடங்களில்  35% ஆனவர்கள் தெரிவாகின்றனர்.

03. கல்வித் தகைமையின் அடிப்படையில் நேரடியாக இணைத்துக்கொள்ளல்.  

கணக்கியல் துறையில் உயர்கற்கை கற்றவர்களை அவர்களது கல்வித் தகைமை மற்றும் தொழில அனுபவம் என்பற்றுக்கு புள்ளிகள் வழங்கி நேர்முகப் பரீட்சை ஒன்றின் ஊடாக சேர்த்துக்கொள்ளப்படுகின்றனர். இந்தப் பதவிக்கான வருடத்தின் பதவி வெற்றிடங்களில்  15% ஆனவர்கள் தெரிவாகின்றனர்.


இந்த மூன்று பிரிவுகளில்  திறந்த போட்டிப் பரீட்சை குறித்த விளக்கம் இந்தப்பதிவில் தரப்படுகின்றது.  மற்றைய பதவிகளுக்கான பரீட்சை விபரங்கள் தனிப்பதிவுகளாக தரப்படும்.

வருடத்தில் எத்தனை பதவி வெற்றிடங்கள் உருவாகின்றன.

இந்த சேவையிலிருந்து  ஓய்வு பெறுகின்றவர்கள் மற்றும் சேவைக்காலத்தில் மரணிக்கின்றவர்கள் சேவையினை விட்டுச் செல்கின்றவர்கள் என வெற்றிடமாகும் பதவிகளின் எண்ணிக்கையின் அடிப்படையில் வெற்றிடங்கள் உருவாகின்றன. 

அந்த அடிப்படையில் 2025 ஆம் ஆண்டு திறந் போட்டிப் பரீட்சைக்கான 499 பதவி வெற்றிடங்கள் காணப்படுகின்றன. 

இலங்கை கணக்காளர் சேவையின் சம்பள அளவு என்ன? 

இலங்கை கணக்காளர் சேவையின் சம்பள திட்டமாக   82,150 - 10 X 2,400- 8 X 2,940 - 17 X 3,900  195,970 என்பதாகக் குறிப்பிடப்படுகின்றது. இலங்கை கணக்காளர் சேவையில் முதலாவது நியமனம் பெறுகின்ற ஒருவர் பெறுகின்ற சம்பளத்தினை அரச நிர்வாக சுற்றுநிருபத்தின் பிரகாரம் கீழ் வரும் விதத்தில் குறிப்பிடலாம். இந்த சுற்றுநிருபத்தின் பிரகாரம் 2025.04.01, 2026.01.01, 2027.01.01 ஆகிய தினங்களில் ஆரம்பச் சம்பளம் மாற்றமடையும். அத்துடன் அடுத்த கொடுப்பனவுகள் இங்கு குறிப்பிட்ட அடிப்படையில் வழங்கப்படும். 

வா.செ. கொடுப்பனவு 17,800.00
விசேட கொடுப்பனவு 25,000.00
 தொலைபேசி கொடுப்னவு 2,500


ஆரம்ப சம்பளம் - 
2025.04.01 ஆம் திகதிக்கு - 66,726
2026.01.01 ஆம் திகதிக்கு -74,438
2027.01.01 ஆம் திகதிக்கு - 82,150

மேற்படி  கொடுப்பனவுகள் ஆரம்பச் சம்பளம் என்பவற்றுடன் இணைத்து   கீழ்வரும் திகதிகளில் புதிய நியமனம்  பெறுவோர் அடிப்படைச் சம்பளம் பெறுவர். 

2025.04.01 ஆம் திகதி -  112025
2026.01.01 ஆம் திகதி -  119738
2027.01.01 ஆம் திகதி -  127450

 இந்த சம்பளத்துடன் ஒவ்வொரு வருடமும் 2,400 என்ற அடிப்படையில் சம்பளம் அதிகரிக்கப்படும். இந்த மொத்த சம்பளத் தெகையிலிருந்து ஆரம்ப சம்பளத்தில் (66,726) 8% விதவைகள் தபூதாரர் அனாதைகள் நிதியத்திற்கு கழிக்கப்படும்.

இவை தவிர தீர்வையற்ற வாகனம் வாங்குவதற்கான சலுகைகள் (இது தற்போது நிறுத்தி வைக்கப்பட்டுள்ளது),  போக்குவரத்து சலுகைகள் என பல சலுகைகள்வழங்கப்படும்.

அத்துடன் பட்டப்பின் படிப்புகளுக்காக அரச செலவில் சம்பள விடுமுறையுடன் வௌிநாடு செல்வதற்கான வாய்ப்புக்களும் வழங்கப்படும்.


விண்ணப்பங்கள் எவ்வாறு கோரப்படுகின்றன?

பரீட்சைக்குத் தோற்றுவதற்கான விண்ணப்பப்படிவ்களும் பரீட்சைக்கான நிபந்தனைகளும் அரச வர்த்தமானி அறிவித்தல் ஊடாக பிரசுரிக்கப்படும். அத்துடன் இணையத்தளத்திலும் பிரசுரிக்கப்படும்.

திறந்த போட்டிப் பரீட்சைக்கான வயதெல்லை என்ன?

 
விண்ணப்பம் கோரப்படும் திகதிக்கு  22 வயதுக்கு மேற்பட்டவர்களாகவும் 28 வயதிலும் குறைந்தவர்களாக இருக்கவேண்டும்.

திறந்த போட்டிப் பரீட்சைக்கான கல்வித் தகைமை என்ன?

(i) வர்த்தகம், முகாமைத்துவம், கணக்கீடு, பொருளியல் போன்ற துறைகளில் பட்டமொன்றைப் பெற்றிருத்தல் 

அல்லது

(ii) இலங்கை தொழில்நுட்பக் கல்லூரியின்/ இலங்கை உயர் தொழில்நுட்பக்கல்வி நிறுவகத்தின் கணக்கீடு அல்லது வர்த்தகம் பற்றிய உயர் டிப்ளோமாவைப் பெற்றிருத்தல் அல்லது உயர் தேசிய முகாமைத்துவ டிப்ளோமாவைப் பெற்றிருத்தல் 

அல்லது

(iii) இலங்கை பட்டயக் கணக்காளர் நிறுவனத்தின் அல்லது வேறேதும் பொதுநலவாய நாடொன்றின் பட்டயக் கணக்காளர் நிறுவனமொன்றின் தகுதிச் சான்றுடைய II அல்லது இடைநிலைப் பரீட்சை அல்லது கணக்கீடு மற்றும் வியாபார சான்றிதழ் II அல்லது வியாபார படிமுறை பரீட்சை அல்லது நிறுவனம்சார் படிமுறை II  பரீட்சை  அல்லது அதனிலும் உயர் பரீட்சை ஒன்றில் சித்தியடைந்திருத்தல் வேண்டும் 

அல்லது

(iv) ஐக்கிய இராச்சியத்தின் அல்லது வேறு யாதேனுமொரு பொதுநலவாய  நாட்டின் பட்டயம் பெற்ற முகாமைத்துவக் கணக்காளர் நிறுவகமொன்றினால் 
நடாத்தப்படும் செலவினம் மற்றும் முகாமைத்துவம் பரீட்சையின் I மற்றும் II  பகுதிகளில் அல்லது இடைநிலைப் பரீட்சையில் அல்லது அதனிலும் உயர் பரீட்சை  ஒன்றில் சித்தியடைந்திருத்தல் வேண்டும்

அல்லது

(எ) ஐக்கிய இராச்சியத்தின் அல்லது வேறு யாதேனுமொரு பொதுநலவாய நாட்டின் சான்றிதழ் பெற்ற கணக்காளர்களின் கணக்கியல் நிறுவனத்தின் I ஆவது தொழில்சார் மட்டத்தைச் சேர்ந்த அல்லது அதனிலும் உயர் மட்டத்திலான பரீட்சை ஒன்றில் சித்தியடைந்திருத்தல் வேண்டும் 
 
அல்லது

(Vi) ஐக்கிய இராச்சியத்தின் அல்லது வேறு யாதேனுமொரு பொதுநலவாய நாட்டின் சான்றிதழ் பெற்ற கணக்காளர்களின் பட்டயச் சங்கத்தின் I மற்றும் II 
பகுதிகளுக்குரிய பரீட்சையில் அல்லது அதனிலும் உயர் மட்டத்திலான பரீட்சை ஒன்றில் சித்தியடைந்திருத்தல் வேண்டும் 

அல்லது

(vii) ஐக்கிய இராச்சியத்தின் செயலாளர்கள் மற்றும் நிருவாகிகளின் பட்டய நிறுவகத்தின் இறுதிப் பரீட்சையில் சித்தியடைந்திருத்தல் 

அல்லது

(viii) இலங்கை சான்றிதழ் பெற்ற முகாமைத்துவ கணக்காளர் நிறுவனத்தின் 
முகாமைத்துவ மட்ட அல்லது அதனிலும் உயர் மட்டத்திலான பரீட்சை ஒன்றில் 
சித்தியடைந்திருத்தல் வேண்டும்.பலகலைக்கழக மானியங்கள் ஆணைக் குழுவினால் அங்கீகரிக்கப்பட்ட பல்கலைக்கழகம் ஒன்றில்  பட்டம் ஒன்றினைப் பெற்றிருத்தல் இதற்கான கல்வித் தகைமையாகும்.

இந்தப் பரீட்சைக்காக எத்தனை முறை தோற்றலாம்?

ஒரு பரீட்சார்த்தி திறந்த அல்லது மட்டுப்படுத்தப்பட்ட  பரீட்சைகளகளில் 2 முறை மாத்திரமே பங்குபற்றலாம். ஒருவர் இந்த இரண்டிலும் இரண்டிரண்டு முறை தோற்ற முடியும்.

பரீட்சைக்குத் தோற்ற முடியாதவர்கள் யார்?

எந்த மதத்திலும் உள்ள துறவிகள் இந்தப் பரீட்சையில் தோற்ற முடியாது. 

ஆட்சேர்ப்பு முறை எவ்வாறு அமையும்?

எமுத்துப் பரீட்சை மற்றும் நேர்முகப்பரீட்சையின் ஊடாக சேர்த்துக்கொள்ளப்படுவர். நேர்முகப் பரீட்சையானது சதாரண அடிப்படையில் இடம்பெறும். இதில் கல்வித் தகைமைகள் மற்றும் ஏனைய தகைமைகள் பரி
சோதிக்கப்படும். நேர்முகப் பரீட்சைக்குப் புள்ளிகள் வழங்படமாட்டாது. 

எழுத்துப்பரீட்சை  எவ்வாறு அமையும்?


அலுவலகச் சேவை பிரமாணக் குறிப்பிற்குத் திருத்தப்பட்ட / மட்டத்தில் சேர்க்கப்பட்ட புதிய பந்திகள் விபரம் :

01. அரசியல் திட்டம் மற்றும் பணி விபரம்.

அரசாங்க சேவையின் உயர் மட்ட  சேவைகள் அனைத்துக்குமான  போட்டிப் பரீட்சைகள் நடாத்தப்படும். அதன் அடிப்படையில் முதல் கட்டப் பரீட்சை அனைத்துப் பதவிகளுக்கும்  பொதுவானதானக இடம் பெறும் இந்தப் பரீட்சையின் பின்னரே அடுத்த பரீட்சை நடாத்தப்படும். இந்த முதலாவது கட்டப் பரீட்சைகளில் ஒவ்வொரு விண்ணப்பத்தாரையும் 40% க்கு குறையாத மொத்தப் புள்ளிகள் 100 அல்லது அதற்கு மேல் புள்ளிகளைப் பெற்றிருக்கவேண்டும்.  இவ்வாறானவர்கள் இரண்டாம் கட்டப் பரீட்சைக்கு அழைக்கப்படுவர். 

கட்டம் 01 - அரச நிர்வாக சேவைகள் அனைத்துக்கும் நடாத்தப்படும் பரீட்சை விபரம்  ?


பகுதி I: தொகுதி (I) 

ஒவ்வொரு வினாப்பத்திரத்திலும் 40% க்கும் மேல் மற்றும் மொத்தப் புள்ளிகள் 100 அல்லது அதற்கு மேல் புள்ளிகளைப் பெற்றுக்கொள்ளும் பரீட்சார்த்திகள் மாத்திரம் இரண்டாவது பகுதிக்கு அழைக்கப்படுவார்கள்.


அ) அரசாங்க நிறைவேற்றுநர் வகுதியின் தரம் III இன் வெற்றிடங்களை நிரப்புவதற்காக நடாத்தப்படும் பொதுப் போட்டிப் பரீட்சையின் முதலாம் பகுதி (பொதுப் பகுதி)  கீழ்வருமாறு அமைந்திருக்கும். 

  • நுண்ணறிவுப் பரீட்சை: 1½ மணித்தியாலங்கள் கொண்ட இந்தப் பரீட்சையில் 100 புள்ளிகள் வழங்கப்படும். இது பல்தேர்வு வினாக்கள் மற்றும்/அல்லது சுருக்க வினாக்களைக் கொண்டிருக்கும். சித்திப் புள்ளிகள் 40 ஆகும்.
நுண்ணறிவுப் பரீட்சையின் பாடவிதானம் : பரீட்சார்த்தியின் தர்க்கிக்கும் ஆற்றல், பிரதியிடல், பொருட்கோடல், தொடர்பு காணல், பெயர்ப்பு, பிரச்சனைகளைத் தீரக்கும் இயலுமை, காரண காரிய தொடர்புகளைப் புரிந்துகொள்ளல், எதிர்வுகூறல், தகவல்களை ஒழுங்கமைத்தல், வடிவங்களை இனங்காணல் மற்றும் ஆலோசனைகளைப் பின்பற்றுதல் போன்ற இயலுமைகளை அளவிடுவதற்காக வடிவமைக்கப்பட்ட பல்தேர்வு வினாக்களைக் கொண்டது.

  • கிரகித்தல்: 02 மணித்தியாலங்கள் கொண்ட இந்தப் பரீட்சையில் 100 புள்ளிகள் வழங்கப்படும். இது பல்தேர்வு வினாக்கள் மற்றும்/அல்லது சுருக்க வினாக்களைக் கொண்டிருக்கும். சித்திப் புள்ளிகள் 40 ஆகும்.

கிரகித்தல் பரீட்சையின் பாடவிதானம் பரீட்சார்த்தியிடம் காணப்படும் விடயங்களைப் புரிந்துகொள்ளும் இயலுமை, தொடர்பாடல் திறன், சாரம்சப்படுத்தல், விவரித்தல் மற்றும் ஆக்கத்திறன் ஆகிய திறன்களை அளவிட வடிவமைக்கப்பட்ட புறவய வினாக்களைக் கொண்டது.

இரண்டாவது எழுத்துப் பரீட்சையின் கட்டமைப்பு எவ்வாறு அமைந்திருக்கும்?

 ஆ) அரசாங்க நிறைவேற்றுநர் வகுதியின் தரம் III வெற்றிடங்களை நிரப்புவதற்காக நடாத்தப்படும் பொதுப் போட்டிப் பரீட்சையின் இரண்டாவது பகுதி (இலங்கை கணக்காளர் சேவைக்கு ஆட்சேர்ப்புச் செய்வதற்கான விசேட பகுதி) 


01. நிதி மற்றும் முகாமைத்துவக் கணக்கீடு: 

இது 3 மணித்தியாலங்கள் கொண்டது. இதற்கு 100 புள்ளிகள் ஒதுக்கப்பட்டுள்ளன. சித்தியடைவதற்கு 40 புள்ளிகள் பெற வேண்டும். இந்த வினாப்பத்திரம் இரண்டு பகுதிகளைக் கொண்டது: பகுதி I இற்கு 60 புள்ளிகளும், பகுதி II இற்கு 40 புள்ளிகளும் வழங்கப்படுகின்றன.


(II) பாட விதானம் 

இந்த வினாப்பத்திரம் 02 பகுதிகளைக் கொண்டது. மொத்தம் 08 வினாக்கள் இருக்கும்.

பகுதி I - நிதிக் கணக்கீடு: 

இந்தப் பகுதியில் ஐந்து (05) வினாக்கள் உள்ளன. முதல் வினா கட்டாயமானது. மீதமுள்ள நான்கு (04) வினாக்களில் இருந்து இரண்டை (02) தெரிவு செய்ய வேண்டும்.

அனைத்து வினாக்களுக்கும் சமமான புள்ளிகள் வழங்கப்படும்.


1. கட்டாய வினா:  இலங்கை கணக்கீட்டு நியமங்களின் பயன்பாடு தொடர்பில் பரீட்சார்த்திக்குள்ள ஆற்றலை அளவிடுவது இந்த வினாவின் நோக்கம். இதில் 05 உப பகுதிகள் உள்ளன. ஒவ்வொரு பகுதிக்கும் 04 புள்ளிகள் வழங்கப்படும். இந்த வினாவில் பின்வரும் இலங்கைக் கணக்கீட்டு நியமங்கள் உள்ளடக்கப்பட்டிருக்கும்:

  • நிதிக் கூற்றுக்கள் - இ.க.நி. 1 
  • சொத்து, பொறித்தொகுதி மற்றும் உபகரணங்கள் - இ.க.நி. 16 
  • வருவாய் - இ.க.நி. 18 
  • காசுப் பாய்ச்சல் கூற்று - இ.க.நி. 7 
  • பொருள் இருப்புகள் - இ.க.நி. 2 
  • கணக்கீட்டுக் கொள்கைகள், கணக்கீட்டு மதிப்பீடுகளில் மாற்றங்கள் மற்றும் வழுக்கள் - இ.க.நி. 8 
  • அறிக்கையிடப்படும் காலப்பகுதிக்குப் பின்னரான நிகழ்வுகள் - இ.க.நி. 10 
  • குத்தகைகள் - இ.க.நி. 17 
  • வருமான வரி - இ.க.நி. 12 
  • நிதி ஏற்பாடுகள், எதிர்பாரா சொத்துக்கள் மற்றும் எதிர்பாரா பொறுப்புக்கள் - இ.க.நி. 37 
  • நிதிச் சாதனங்கள் - இ.க.நி. 39 


2. நிதிக் கூற்றுக்களுக்கான எண்ணக்கரு சார்ந்த மற்றும் ஒழுங்குமுறைக் கட்டமைப்பு:  நிதிக் கூற்றுக்களின் பொதுவான நோக்கம், பயன்படுத்தும் அனுமானங்கள், தரநிலை பண்புகள், மூலங்களை இனங்காணல் மற்றும் அளவிடுதல், மூலதன எண்ணக்கருக்கள் மற்றும் மூலதனப் பராமரித்தல் எண்ணக்கரு. நிறுவனக் கட்டுப்பாடுகள், கம்பனிச் சட்டங்கள் மற்றும் இலங்கை பிணைகள் பரிவர்த்தனை ஆணைக்குழுவின் சட்டங்கள் மற்றும் ஒழுங்குவிதிகள் தொடர்பான ஏற்பாடுகள்.


3. திரட்டிய நிதிக் கூற்றுக்கள் உள்ளிட்ட வரையறுக்கப்பட்ட கம்பனிகளின் நிதிக் கூற்றுக்கள்:  வரையறுக்கப்பட்ட பொறுப்புக் கம்பனியொன்றில் காணப்படும் நிதி மூலங்களை அடையாளங் காணல், பங்குகள் மற்றும் தொகுதிக் கடன் பத்திரங்களை வழங்குதல் மற்றும் மீட்டல் தொடர்பான பேரேட்டுக் கணக்குகளைத் தயாரித்தல், முகாமைத்துவ மற்றும் வெளியீட்டு நோக்கங்களுக்காக நிதிக் கூற்றுக்களைத் தயாரித்தல்.

4. இலாபமீட்டாத அமைப்புக்களுக்கான நிதிக் கூற்றுக்களைத் தயாரித்தல்

5. நிதிக் கூற்றுக்களின் பகுப்பாய்வு: நிதிப்பெறுபேறுகளின் வரைவிலக்கணம், தொடர்பாடல், நிதியல்லாத அறிக்கையிடல்.

பகுதி II - முகாமைத்துவக் கணக்கீடு: 

இந்தப் பகுதி, பின்வரும் விடயங்களை அடிப்படையாகக் கொண்ட 03 வினாக்களைக் கொண்டிருக்கும். அவற்றில் 02 வினாக்களுக்கு விடையளிக்க வேண்டும். ஒவ்வொரு வினாவுக்கும் சமமான புள்ளிகள் வழங்கப்படும்.

1. கிரய கணக்கீட்டு அம்சங்கள்:

 கிரயங்களை வகைப்படுத்தல், கிரயங்களின் நடத்தை, மதிப்பீடு செய்தல், மூலப்பொருட்கள் மற்றும் இருப்பு கட்டுப்பாடு, உழைப்புக் கிரயம், குறிப்பிட்ட மற்றும் தொடர்ச்சியான கட்டளை கிரயவியல்.

2. கிரயக் கணக்கீட்டு முறைகள்:

 உள்ளீட்டு கிரயவியல் மற்றும் எல்லை கிரயவியல், செயற்பாட்டு அடிப்படையிலான கிரயவியல், செயன்முறை கிரயவியல், உற்பத்திக் கணக்கீடு (Throughput Accounting) மற்றும் தற்கால முகாமைத்துவக் கணக்கீடு.

3. வியாபாரத்திற்கான நிதிக் கணிதம் மற்றும் கருத்திட்ட மதிப்பீட்டு அடிப்படைகள், கூட்டுதல், தள்ளுபடி செய்தல்.

4. நியமக் கிரயவியலும் முரண்கள் பகுப்பாய்வும்

5. வியாபாரச் செயற்பாடுகளுக்கான கணிதம்

6. வரவு செலவுத் திட்டமும் எதிர்வு கூறுதலும்:  வரவு செலவுத் திட்டம், வரவு செலவுத் திட்டத் தயாரிப்பு மற்றும் வரவு செலவுத் திட்டக் கட்டுப்பாடுகள்.

7. குறுகிய கால மற்றும் நீண்ட கால தீர்மானங்களை எடுப்பதற்கான தகவல்:  கிரயம், அளவு, இலாபப் பகுப்பாய்வு, மேலதிக செயன்முறை விலையிடல் (Further Processing Cost) மற்றும் பல்வேறு நிதிக் கட்டுப்பாடுகளுக்கான முடிவுகளை எடுத்தல் (Multi-Constraint decision making).

8. தொழிற்படு மூலதன முகாமைத்துவம்


02. உயர் கணக்காய்வு மற்றும் பொருளாதாரப் பகுப்பாய்வு: 

இது 3 மணித்தியாலங்கள் கொண்டது. இதற்கு 100 புள்ளிகள் ஒதுக்கப்பட்டுள்ளன. சித்தியடைவதற்கு 40 புள்ளிகள் பெற வேண்டும். இந்த வினாப்பத்திரமும் இரண்டு பகுதிகளைக் கொண்டது: பகுதி I இற்கு 60 புள்ளிகளும், பகுதி II இற்கு 40 புள்ளிகளும் வழங்கப்படுகின்றன.

(II) பாட விதானம் 

இந்த வினாப்பத்திரம் 02 பகுதிகளைக் கொண்டது. மொத்தம் 08 வினாக்கள் இருக்கும்.

பகுதி I - உயர் கணக்காய்வு: 

இந்தப் பகுதி, பின்வரும் விடயங்களை அடிப்படையாகக் கொண்ட 05 வினாக்களைக் கொண்டிருக்கும். அவற்றில் 03 வினாக்களுக்கு விடையளிக்க வேண்டும். ஒவ்வொரு வினாவுக்கும் சமமான புள்ளிகள் வழங்கப்படும்.

1. பல்வேறு வகை கணக்காய்வுகளும் அக்கணக்காய்வுகளின் நோக்கங்களும்:

 நிதிக் கணக்காய்வு, முறைமை கணக்காய்வு, இணக்கப்பாட்டு கணக்காய்வு, பணத்திற்கான பெறுமதிக் கணக்காய்வு, செயல்திறன் கணக்காய்வு, தடயவியல் கணக்காய்வு, உள்ளகக் கணக்காய்வு, வெளியகக் கணக்காய்வு மற்றும் முகாமைத்துவக் கணக்காய்வு.

2. கணக்காய்வுத் திட்டமிடலும் கட்டுப்பாடும்:

 கணக்காய்வு திட்டமிடல், நேரம் குறித்தல், இடைக்கால மற்றும் இறுதிக் கணக்காய்வு, செயற்பாடுகளுக்குரிய பொறுப்புக்களை ஒப்படைத்தல், உள்ளகக் கட்டுப்பாட்டுப் பயன்பாடு, செய்யப்பட்ட வேலைகளைப் பதிவு செய்தல், உள்ளகக் கட்டுப்பாடு மதிப்பீட்டிற்கான வினாக் கொத்துக்களையும் படிவங்களையும் தயாரித்தல்.

3. தொழில்முறை நடத்தைகளும் நெறிமுறைகளும்:

 நேர்மை, கணக்காய்வுச் செயற்பாடுகள் தொடர்பான தகவல்களைத் திரட்டுதல், மதிப்பீடு செய்தல் மற்றும் தொடர்பாடல் விடயங்களுக்கு முன்னுரிமை வழங்கல், தகவல்களின் இரகசியத்தன்மை, தொழில்முறைக் கடப்பாடுகள், அறிவு, திறமைகள் மற்றும் அனுபவங்களைப் பயன்படுத்துவதற்கான திறன்கள்.

4. சட்ட உரிமைகளும் பொறுப்புகளும்:

 கணக்காளர் மற்றும் கணக்காய்வாளரினது சட்டரீதியான பொறுப்புகளும் அதனோடு இணைந்த சட்ட ஏற்பாடுகளும்.

5. இடர் மதிப்பீடும் முகாமைத்துவத்திற்குமான நுட்பங்கள்:

 பல்வேறு வகையான இடர்கள், இடர் முகாமைத்துவச் செயல்முறை, இடர்களை முகாமைத்துவம் செய்வதற்கான நுட்பங்கள் மற்றும் சாதனங்களை அடையாளம் காணல்.

6. கணக்காய்வு நியமங்கள்:

 சர்வதேச கணக்காய்வு நியமங்கள் (ISAs) மற்றும் இலங்கை கணக்காய்வு நியமங்கள் (SLAuSs).

7. உள்ளகக் கணக்காய்வுக் கடமைகள்:

 உள்ளகக் கணக்காய்வுப் பிரிவின் கடமைகளை இனங்காணல், உள்ளகக் கணக்காய்வினது நோக்கங்கள் மற்றும் கணக்காய்வுக் குழுக்கள்.

8. சான்றுகளைச் சேகரித்தல்:

 சான்றுகளைச் சேகரிக்கும் வெவ்வேறு முறைகளை அடையாளம் காணல், மற்றும் ஆதாரங்களின் செல்லுபடித்தன்மையை உறுதி செய்தல்.

9. அறிக்கையிடல் தொழிற்பாடுகள்:

 அறிக்கைகளின் வகை, அறிக்கையிடும் நியமங்கள், கட்டமைப்பு, அறிக்கையிடும் செயல்முறை, கணக்காய்வு அபிப்பிராயங்கள் மற்றும் பின்தொடர்தல் செயல்முறை.

பகுதி II - பொருளாதாரப் பகுப்பாய்வு: 

இந்தப் பகுதி, பின்வரும் விடயங்களை அடிப்படையாகக் கொண்ட 03 வினாக்களைக் கொண்டிருக்கும். அவற்றில் 02 வினாக்களுக்கு விடையளிக்க வேண்டும். ஒவ்வொரு வினாவுக்கும் சமமான புள்ளிகள் வழங்கப்படும்.

1. பேரண்ட பொருளாதார மாறிகளைப் புரிந்து கொள்ளல்:

 பேரண்ட பொருளாதார மாறிகளையும் முன்னணி வகிக்கும் குறியீடுகளையும் அடையாளம் காணல், பேரண்ட பொருளாதார மாறிகளை மதிப்பீடு செய்வதன் நோக்கம், பேரண்ட பொருளாதார மாறிகளிடையே உள்ள தொடர்புகளும் தற்போதைய இலங்கை நிலவரத்தினை அடையாளம் காணலும்.

2. தேசிய வருமான நிர்ணயமும் தேசிய வருமானக் கணக்கீடும்:

 தேசிய வருமானத்தை அளவிடும் முறைகள், தேசிய வருமானத்தின் துறைகள் ரீதியான பங்களிப்பு, மூலதன நுகர்வும் மூலதன நுகர்வு மாற்றங்களும், அரச மற்றும் தனியார் நுகர்வுகள், தேசிய உற்பத்திகள் மற்றும் நலனோம்பு மற்றும் இவை தொடர்பிலான தற்போதைய இலங்கையின் நிலவரம்.

3. சர்வதேச வர்த்தகமும் பொருளாதார அபிவிருத்தியும்:

 சர்வதேச வர்த்தகக் கோட்பாடுகள், சர்வதேச வர்த்தகம் மற்றும் பொருளாதார அபிவிருத்தி, சென்மதி நிலுவை, நாணயமாற்று வீத நடத்தைகள் மற்றும் தற்போதைய இலங்கை நிலவரம்.

4. வெளிநாட்டு நிதி, வெளிநாட்டு நேரடி முதலீடுகள், அபிவிருத்தி அடைந்து வரும் நாடுகளின் கடன், நிலையான கடன் முகாமைத்துவம் மற்றும் இலங்கையின் தற்போதைய நிலவரம்

5. மூலதனம் மற்றும் நிதிச் சந்தை, நிதி இடைத்தரகர்கள் மற்றும் நிதிக் கருவிகள்

6. நாணயக்கொள்கை

7. அரசிறைக் கொள்கை

பரீட்சை எந்த மொழியில்  தோற்றலாம்?

இந்தப் பரீட்சை சிங்களம், தமிழ் மற்றும் ஆங்கில மொழி மூலம் நடைபெறும்.

பரீட்சார்த்திகள் தாம் விரும்பும் ஒரு மொழியில் பரீட்சைக்குத் தோற்ற முடியும்.

பரீட்சார்த்திகள் இந்தப் பரீட்சையின் அனைத்து வினாப் பத்திரங்களுக்கும் தோற்ற வேண்டும். அதற்காக, ஒரு ஊடக மொழியை மாத்திரம் தெரிவு செய்தல் வேண்டும்.

பரீட்சார்த்தியொருவருக்கு தனது விண்ணப்பத்திலுள்ள பரீட்சைக்கான ஊடக மொழியை மாற்றுவதற்கு அனுமதி வழங்கப்படமாட்டாது.

நேர்முகப் பரீட்சைக்கு யார் அழைக்கப்படுவார்கள்?

பரீட்சையிக்கான ஒவ்வொருபாடத்திலும் 40 புள்ளிகளைப் பெறுபவர்கள் அந்தப் பாடத்தில் சித்தியடைந்தவர்களாகக் கருதப்படுவர். இவ்வாறு அனைத்து பாடங்களிலும் 40 புள்ளிகளுக்கு மேல் பெற்று சித்தியடைபவர்களில் அனைத்துப் பாடங்களிலும்  பெற்ற புள்ளிகளி்ன் கூட்டுத்தொகையாக கூடிய புள்ளி பெறுகின்றவர்கள் சாதாரண நேர்முகப் பரீட்சைக்கு அழைக்கப்படுவார்கள்.

சாதாரண நேர்முகப் பரீட்சையில் பதவிக்காக  கல்வி வயது போன்ற தகைமைகள் பரிசோதிக்கப்பட்டு அவைகளின் ஊடாக தகுதிகளைப் பூர்தி செய்பவர்களுக்கு நியமனம் வழங்கப்படும். 


இறுதியாக. 

இந்தப் பரீட்சை இலகுவானதல்ல என்பது உண்மைதான் என்ற போதிலும் எங்களைப் போன்ற சாதாரண பட்டம் ஒன்றினைப் பெற்றவர்களே இதில் சித்தியடைந்து பதவிகளைப் பெற்றுக்கொள்கின்றனர் என்பதனை நாங்கள் புரிந்துகொள்ளவேண்டும். வினாத்தாள்களைப் புரிந்துகொண்டு அவைகள் தொடர்பில் உரிய பயிற்சிகளைப் பெற்றுக்கொள்ளுமிடத்து இந்தப் பரீட்சை மிக இலவான ஒன்றாக மாற்றிக்கொள்ளலாம் என்பதில் எந்த சந்தேகமுமில்லை. முயற்சித்தால் முடியாதது ஒன்றுமில்லை எனவே முயற்சிப்போம் வெற்றிபெறுவோம். 

 இலங்கைக் கணக்காளர் சேவை பிரமாணக் குறிப்பு மற்றும் அதில் மேற்கொள்ளப்பட்ட திருத்தங்கள் அடங்கிய வர்த்தமானி அறிவித்தல்களை இங்கு பதிவிறக்கம் செய்துகொள்ளலாம். 

Service Minutes and Related Circulars Sri lanka Accountant Service.


விபரம் திகதி பார்வையிட பதிவிறக்க
 இலங்கை கணக்காளர் சேவைப் பிரமாணக் குறிப்பு இலங்கை சனநாயக சோசலிசக் குடியரசின் அதிவிசேட வர்த்தமானப் பத்திரிகை இலக்கம். 1670/332010.09.10 View/Download
 01. ஆம் இலக்க திருத்தம் இலங்கை சனநாயக சோசலிசக் குடியரசின் அதிவிசேட வர்த்தமானப் பத்திரிகை இலக்கம். 1695/15 2011.03.11 View/Download
 02. ஆம் இலக்க திருத்தம் இலங்கை சனநாயக சோசலிசக் குடியரசின் அதிவிசேட வர்த்தமானப் பத்திரிகை இலக்கம். 1865/36 2014.06.06 View/Download
03. ஆம் இலக்க திருத்தம் இலங்கை சனநாயக சோசலிசக் குடியரசின் அதிவிசேட வர்த்தமானப் பத்திரிகை இலக்கம். 1981/99 2016.08.27 View/Download
04. ஆம் இலக்க திருத்தம் இலங்கை சனநாயக சோசலிசக் குடியரசின் அதிவிசேட வர்த்தமானப் பத்திரிகை இலக்கம். 2070/07 2018.05.09 View/Download
05. ஆம் இலக்க திருத்தம் இலங்கை சனநாயக சோசலிசக் குடியரசின் அதிவிசேட வர்த்தமானப் பத்திரிகை இலக்கம். 2137/66

 2019.09.22 View/Download
06. ஆம் இலக்க திருத்தம் இலங்கை சனநாயக சோசலிசக் குடியரசின் அதிவிசேட வர்த்தமானப் பத்திரிகை இலக்கம். 2225/05

 2021.04.27 View/Download
07. ஆம் இலக்க திருத்தம் இலங்கை சனநாயக சோசலிசக் குடியரசின் அதிவிசேட வர்த்தமானப் பத்திரிகை இலக்கம். 2236/05

 2021.07.12 View/Download
08. ஆம் இலக்க திருத்தம் இலங்கை சனநாயக சோசலிசக் குடியரசின் அதிவிசேட வர்த்தமானப் பத்திரிகை இலக்கம். 2323/29

 2023.03.16 View/Download
Tags:

Post a Comment

0 Comments